Ish-kryeministri Sali Berisha mori fjalën në Kuvendin e Shqipërisë duke sulmuar kreun e qeverisë Edi Rama.
Berisha u ndal në investimet që ka bërë qeveria e tij në ndërtimin e rrugëve në vend, dhe e quajti Ramën mashtrues kur flet se të majtët kanë ndërtuar rrugë, dhe se qeveria “Berisha” i ka lënë borxhe për rrugët.
“Në çdo udhëtim që bën e zë rruga, jo nga problemet testikulare por nga problemet psikike. Sëmuret se e di që rrugët nuk i ka të tijat. Kanë ndërtuar tha 900 km rrugë. Dëgjoni mashtruesin. Unë do ti lexoj atij këtu vetëm rrugët e qarkut ku është deputet, dhe i lutem vlonjatëve, delvinjotë dhe sarandiotëve të shohin se çfarë mashtruesi ordiner është deputeti i tyre
Vlorë Fier - 21 km - 42 mln $
Qafë Bot Krrabë - 40 km - 43 mln $
Rrugë lidhëse e detit, Vunoi t Dhërmit 40 km - 21 mln $
Rruga e Butrinti 20 km - 12.5 mln $
Rruga Transballkanike
Rruga Vlorë Drashovicë - 15 km
Rruga e Xarës - 11 km
Sevastër-Kotë - 15 km etj.
Çfarë tha ky. 720 mln borxhe, nga 120 mln të certifikuara.
O injorant, o fakir, si nuk skuqesh, a të zverdhesh nga këto gjëra të trasha që thua. Ti nuk kontrollon veten, kjo është mjerim. Tu thuash shqiptarëve se kanë lënë pa paguar për rrugë, një herë 7 qind një herë tre qind pastaj 1 miliard....”, u shpreh Berisha në seancën plenare ku diskutophet projektbuxheti i shtetit për vitin 2017.
