Policia e Tiranës ka njoftuar ditën e sotme se ka referuar materialet në prokurori për një 30-vjeçar, pasi në gjendje të dehur ka hedhur nga ballkoni i shtëpisë së tij orenditë duke dëmtuar makinën e dikujt tjetër që ishte parkuar poshtë.
Ngjarja është shënuar më 31 dhjetor 2016 në rrugën “Muhamet Deliu”.
Sipas policisë, 30-vjeçari me inicialet A.D në gjendje të dehur, ka dëmtuar sendet e banesës së tij, duke i hedhur nga ballkoni në oborrin e pallatit, ku si pasojë është dëmtuar xhami i mjetit tip ‘’Opel’’, në pronësi të shtetasit G.B, vjeç 53 banues në Tiranë dhe ka shkaktuar prishje të rendit dhe qetësisë publike.
Policia ka referuar materialet në prokurori për nenet 150 dhe 274 të Kodit Penal.