Ish kryeministri Sali Berisha duket se ka rënë serish pre e "qytetarit dixhital".
Në vijim të përpjekjeve për të bërë opozitë me çdo kusht dhe për çdo gjë, ka publikuar një foto dhe një mesazh të "prindit dixhital”, ku denoncohej gjendja dhe kushtet e vështira në të cilat jetojnë fëmijët në Kopshtin 17 në kryeqytet.
Por, me kete rast Berisha ka nxjerrë në publik një fakt me anë të së cilës ka denoncuar gjendjen në të cilën ndodheshin çerdhet dhe kopshtet në kohën që Bashkia e Tiranës drejtohej nga beniamini i tij, kryetari aktual i PD-së, Lulzim Basha. Kjo pasi fotoja që ka bërë publike Berisha sot i përket pikërisht viteve para 2013.
Kjo është lehtësisht e verifikueshme, pasi ky kopsht është mbyllur nga Bashkia që në datë 6 qershor 2013 dhe prej atëherë ai nuk funksionuar më asnjë ditë. Fëmijët që ishin të regjistruar në këtë kopesht kanë qenë shpërndarë në dy kopshte të tjera, ndërsa rikonstruksioni i tij mbeti i bllokuar për gati dy vite.
Pasi Bashkia e Tiranes fitoi gjyqin me kompanine e perzgjedhur nga Basha ne 2013, e cila s'kishte bere asnje dite pune, situata në këtë kopsht u zhbllokua dhe vetem dje kanë filluar punimet për rikonstruksionin e plotë dhe zgjerimin e hapësirave akomoduese për fëmijët.
Më poshtë edhe fotoja e publikuar nga Berisha dhe fotoja nga rikonstruksioni që po i bëhet godinës së Kopshtit 17.
