Ka përfunduar takimi mes zëvendëskryeministrit Niko Peleshi dhe 7 përfaqësuesve të grevistëve në Zharrëz.
Gjatë takimit, mësohet se zëvendëskryeministri i siguroi grevistët se do të ndalohen shpërthimet e “Bankers”, të cilat kanë shkaktuar edhe shembjet e shtëpive.
Megjithatë të dyja palët ranë dakord që disa ekspertë do të verifikojnë dëmet për të përcaktuar dëmshpërblimet.
Nga ana e tyre banorët e Zharrëz, vlerësuan frymën e diskutimit me përfaqëseusin e Qeverisë. Megjithatë, ata sqaruan se nuk do të largohen nga sheshi para Ministrisë së Energjetikës dhe do të qëndrojnë aty deri sa të kenë marrë personalisht aktet e ekspertimit.
Ndërkohë, qeveria ka premtuar se do të ndërmarrë një akt nënligjor për ndalimin e shpërthimeve.
Banorët e Zharrëzit mbërritën sot në Tiranë pas një maratonte prej 4 ditësh me këmbë nga fshati i tyre deri në kryeqytet. Ata kërkojnë dëmshpërblim për shtëpitë që u janë dëmtuar nga shpërthimet e stimuluara nga kompania e naftës “Bankers Petroleum”.
