Ministrja e Integrimit Europian, Klajda Gjosha, priti në një takim Eduard Auer, Shef i Divizionit për Ballkanin Perëndimor, EEAS.
Në fokus të këtij takimi, ishte situata politike në vend.
Ministrja Gjosha theksoi se dialogu mes palëve, është i domosdoshëm për t’i dhënë zgjidhje kësaj situate.
“Zgjedhjet të cilat ne i kemi dhe një kriter shumë të rëndësishëm për procesin e integrimit, janë një e drejtë legjitime dhe bëhen për qytetarët. Klasës politike i takon të japë garanci për këto zgjedhje”, tha Ministrja Gjosha.
Duke u ndalur tek reforma në drejtësi si kusht për hapjen e negociatave, bashkëbiseduesit theksuan se zgjidhja e ngërçit politik do t’i hapte gjithashtu rrugën zbatimit shpejtë të kësaj reforme, veçanërisht ligjit të vettingut.
