Informacionet e para te mberritura ne oren 10:40 flasin për të shtëna me armë jashtë një Qendra Votimi e cila është ngritur në shkollën e Shëngjinit.
“Shikoj një gëzhojë arme dhe një person është dërguar në spital. LSI thotë se është eksponent i kësaj partie. Personi është transportuar në spital” raporton gazetari i Ora News.
Personi i plagosur eshte Florian Dushku, eksponent i LSI-së. Nga të dhënat është përdorur dhe një armë zjarri. Personi i plagosur është qëlluar me tytën e pistoletës.
Flitet për disa persona që janë përfshirë në konflikt.
Luan Rama nga selia e LSI-se e cilesoi: “Ngjarje e rëndë kriminale dhe deklaroi se për çdo pikë gjaku, kryeministri Rama dhe drejtori i Policisë së Shtetit Haki Çako janë përgjegjës
Luan Rama: Në Shëngjin para pak çastesh, një aktivist anëtarë i LSI është plagosur nga tre njerëz të armatosur në përbërje të një grupi të njohur kriminal të rilindjes që prej ditësh vepron në mbrojtjen e strukturave kriminale të policisë së shtetit në atë qark.
I plagosuri është Florja Dushku, ka qenë në punën e vet, në një aktivitet normal. Është plagosur nga ata që rilindja i ka klonuar dhe fabkrikuar në mënyrë të kriminalizuar për ti përdorur siç i ka përdorur gjatë gjithë fushatës por më drejtëpërdrejtë si i përdori sot. Është rasti i tretë në Lezhë që aktivistë të LSI plagosen nga e njëjta bërthamë që vepron atje. Ky është një prej rasteve.
Për çdo pikë gjaku të qytetarëve të pafajshëm përgjegjësia bie mbi kryeministrin e rilidnjes Edi Rama dhe Drejtorin e Përgjithshëm të Policisë. Pas nga Ministri i Brendshëm i është kërkuar shkarkimi i drejtorit të policisë Lezhë.
Pritet dhe reagimi i policise.