Policia ka zbardhur ngjarjen që sot befasoi qytetarët e Tiranës në qendër të qytetit, ku një i ri kishte hipur në një vinç dhe kërcënonte se do të hidhej që prej aty.
Qytetarët e alarmuar kanë njoftuar menjëherë policinë, ndërsa kjo e fundit në informacionin paraprak ka sqaruar se ‘pas negociatave të bëra nga Policia një i afërm dhe një gazetar u arrit që shtetasi Saimir Zalla, 35 vjeç nga Lezha të zbrite nga vinçi’.
Policia sqaron më tej se ky shtetas u shoqërua në ambientet e policisë dhe sipas deklarimeve paraprake të thëna prej tij, e kishte ndërmarrë këtë veprim, pasi ishte divorcuar me bashkëshorten dhe kishte probleme se ish bashkëshortja nuk e lejonte të takonte dy fëmijët e tij.