Visho Ajazi Lika, i dekoruar nga Rama në një ceremoni gjysmë sekrete dha papritur dorëheqjen teksa në korridoret e politikës përflitej se kishte mbyllur marrëveshjen për një tjetër mandat në krye të shërbimit sekret. Në fakt dorëheqja ishte e papritur për publikun, pasi kryeministri Rama e kishte kërkuar një gjë të tillë, ndoshta i ndikuar edhe nga partnerët strategjikë të Shqipërisë.
Lufta kundër terrorizimit përligji edhe një listë me emra që u dorëzua në tavolinën e Ramës për të zgjedhur më pas kreun e ri të SHISH. Nuk është i rastësishëm propozimi i kryeministrit për emërimin në krye të Shërbimit Informativ të Helidon Bendo, një emër thuajse i panjohur për publikun, por jo brenda radhëve të shërbimit dhe partnerëve, sidomos atyre amerikanë.