Ilir Meta u bë pjesë e rrjetit social Facebook, pasi u bë Presidenti i Republikës së Shqipërisë.
Por, edhe pse është një ndër politikanët që ka hapur me vonë një profil në ‘Facebook’, duket se është përshtatur shumë shpejtë me të.
Ai nuk ka ngelur vetëm në publikimin e aktivitetit të tij si president, por për herë të parë ditën e sotme ka vendosur që t'ju kthejë përgjigje komentuesve.
Meta, ka gjetur rastin për të falenderuar aktoren Marjana Kondin, për vlerësimin që ajo bëri ndaj presidentit, për kujdesin që ai tregonte ndaj artistëve.
“Të dashur miq! Sot përjetova një mbrëmje të paharrueshme me Ansamblin e Këngëve dhe Valleve Popullore dhe emblemën e tij Besim Zekthi. Mirënjohje në këtë 60 vjetor të krijimit të gjithë artistëve të mrekullueshëm.”, -shkruante kreu i Shtetit Ilir Meta, pas pjesëmarrjes së tij në këtë aktivitet.