Ambasadori amerikan Donald Lu ka takuar paraditen e kësaj të enjte kryeprokuroren e Përkohshme, Arta Marku.
Takim i Lu-së me Markun, vjen 3 ditë pasi kjo e fundit u vu në krye të këtij institucioni, në një seancë ku nuk munguan përleshjet mes opozitës dhe mazhorancvës.
Një ditë më parë, ambasadori Lu takoi edhe kreun e PD-së Lulzim Basha si dhe kryetaren e LSI-së, Monika Kryemadhi.
Në takimin që Lu pati me Bashën, lideri i opozitës ka qenë i prerë se nuk do të pranohet zgjedhje e kryeprokurores, pasi sipas, është bërë në shkelje të hapur me Kushtetutën.
Ndërsa, Kryemadhi i ka kërkuar ambasadorit amerikan një gjykim më objektiv lidhur me situatën e tanishme, duke denoncuar edhe dhunën e ndodhur ditën e hënë, ku gjatë protestës një deputetet e LSI-së mbeti e gjakosur.