Organizata e Kombeve të Bashkuara do të diskutojë sot një rezolutë anti-Amerikane në lidhje me vendimin që Presidenti Trump mori, duke njohur Jerusalemin si kryeqytetin e Izraelit.
Shqipëria deri më tani ka shprehur qëndrimin e saj kundër këtij vendimi të presidentit të SHBA.
Në lidhje me këto zhvillime ka reaguar edhe ish-kryeministri Sali Berisha. Ai shkruan në faqen e tij në Facebook, se vota pro kësaj rezolute është votë kundër interesit të shqiptarëve.
Ja çfarë shkruan ish-kryeministri Sali Berisha:
Në OKB do votohet një rezolute anti-amerikane!
Vota në OKB për dënimin e vendimit të Presidentit Trump për Jerusalemin, është votë kundër interesit kombëtar të shqiptareve.