Elbasan, qëllohet me armë ndaj Çapajve

Shqipëria

Elbasan, qëllohet me armë ndaj Çapajve

Më: 23 dhjetor 2017 Në ora: 11:23
Ilustrim

Të shtëna me armë zjarri janë dëgjuar mëngjesin e të shtunës në lagjen “Emin Matraxhiu” të Elbasanit.

Informacionet paraprake të policisë bëjnë të ditur se ka qenë një telefonatë në sallën operative rreth orës 09.05 që ka njoftuar për të shtënat.

Policia mbërriti në vendngjarje dhe konstatoi se në një rrugicë persona të paidentifikuar dyshohet të kenë qëlluar me armë zjarri në drejtim të Çapajve.

“Më pas në Lagjen “5 Maji” është gjetur i djegur tërësisht mjeti me targa të dyshuara të falsifikuara. Shërbimet e policisë po punojnë për zbardhjen e plotë të rrethanave të ngjarjes, identifikimin dhe kapjen e autorit/ve”, thuhet në njoftimin e policisë së Elbasanit.

Sot mund të lexoni Shfletoni kopertinat