Ish-drejtori i Policisë së Shtetit Ahmet Prençi ka uruar punonjësit e policisë për 105 vjetorin e krijimit të tyre.
Përmes një status në profilin e tij në ‘Facebook’, Prençi duke uruar punonjësit e ndershëm të policisë, kujdeset të përjashtojë nga ky urim të gjithë ata drejtues e punonjës policie që kanë braktisur misionin e tyre dhe interesin e shoqërisë dhe janë përfshirë ne kultivim e trafik droge dhe mbrojnë interesat e grupeve kriminale.
“Një urim të përzemërt për të gjithë anëtarët aktivë ose jo të Policisë së Shtetit. Gezuar 105 vjetorin e Policisë. Përjashtoj nga ky urim ata drejtues e punonjës policie që kanë braktisur misionin e tyre dhe interesin e shoqërisë dhe janë përfshirë ne kultivim e trafik droge dhe mbrojnë interesat e grupeve kriminale.”, shkruan ish-drejtori i Policisë.