Kryeprokurorja Arta Marku priti sot në një takim ambasadorin britanik në vendin tonë. Takimi u zhvillua me dyer të mbyllura, por në faqen e Prokurorisë hidhet dritë mbi bisedën e zhvilluar.
“Prokurori i Përgjithshëm, znj.Arta Marku priti ambasadorin e Britanisë së Madhe në Shqipëri, Duncan Norman.
Znj.Marku garantoi vendosmërinë në luftë kundër paligjshmërisë dhe cdo forme të krimit në Shqipëri.
Ambasadori Norman shprehu mbështetjen e Mbretërisë së Bashkuar për Shqipërinë, për bashkëpunimin mes agjencive ligjzbatuese dhe plotësimin e reformës në Drejtësi dhe procesit të “Vetting”-ut”, shkruhet në faqen e Prokurorisë së Përgjithshme.
