Instituti i Gjeoshkencave ka parashikuar se do të ketë reshje të shiut nesër dhe në ditët në vijim. Moti parashikohet jo i qëndrueshëm dhe me vranësira. IGJEUM bën me dije se nuk do të mungojë bora as në zonat malore, sidomos gjatë dy ditëve të ardhshme.
Parashikimi i motit:
Sot pasdite (e martë, dt.16) dhe nesër (e mërkurë, dt.17) priten reshje, që do të jenë mesatare deri intensive në shumicën e qarqeve. Ato mund të shoqërohen edhe me shtrëngata, më të mundshme në terrenet malore, kryesisht nesër (siç tregohet në tabelë, respektivisht për secilin qark).
Reshjet në formën e dëborës do të zbresin deri në 700m mbi nivelin e detit, ndërsa në veri-lindje në zona të kufizuara edhe më poshtë se ky nivel.
(shënim: në rastin e reshjeve të dëborës, 1 mm reshje = 1 cm dëbore e re)
Temperaturat:
Nesër (e mërkurë, dt.17) temperaturat minimale dhe maksimale të ajrit pritet të arrijnë:
në bregdet: 7 °C / 16 °C
në vendet e ulëta: 6 °C / 16 °C
në vendet malore: 2 °C / 9 °C.
Era:
Sot (e martë, dt.16) pritet të fryjë e lehtë deri mesatare, ndërsa nesër (e mërkurë, dt.17) do të fryjë e fortë në të gjithë territorin.
