Kryetari i Partisë Demokratike, Lulzim Basha ka pritur sot në takim veçantë një delegacion të arbëreshëve të Chieutit, rajoni i Puglias.
Ai ka shkruar në Facebook se PD dhe unë do ti gjendemi përherë pranë motrave dhe vëllezërve arbëreshë.
Postimi i plotë:
Në 550 vjetorin e vdekjes së Heroit tonë Kombëtar, Gjergj Kastrioti, prita me emocion të veçantë një delegacion të arbëreshëve të Chieutit, rajoni i Puglias.
PD dhe unë do ti gjendemi përherë pranë motrave dhe vëllezërve arbëreshë, sot në opozitë dhe nesër me përgjegjësitë e qeverisjes, për të mbajtur gjallë dhe lartësuar vlerat e komunitetit arbëresh, gjuhën dhe traditat e zakonet e tyre.