Ish- ministri i Drejtësisë, Ylli Manjani reagon në lidhje me kërkesën e PS-së për ndryshimin e kodit të procedurës penale për arrestimin e deputetëve.
Manjani shkruan se Rama kërkon që të kontrollojë edhe SPAK-un, që të kërkohen prova për deputetët para se çështja të shkojë në gjykatë.
Reagimi
Rregullorja anti-SPAK e hashashit.
E lemë mënjanë argumentin që rregullorja e Kuvendit për herë të fundit u miratua me konsensus, të kërkuar nga Edi Rama.
Në fakt në emër të konsensusit që ju dha, ai shtyu në kohë marrjen e statusit kandidat. Por, nejse! Ta lëmë mënjanë këtë.
Të merremi pak me arsyen përse po e ndryshojnë rregulloren tani?
Duan të kontrollojnë SPAK-un. I kërkojnë atij prova para se ato t’i paraqiten gjykatës!
Kushdo e di tashmë që provat, kur dalin në pazar, nuk ka gjykatë që i vlerëson si të rregullta.
Pra, le të lodhet sa të dojë SPAK-u për të mbledhë prova se i shkatërron Rilindja me rregullore!
Jo me Kushtetutë, as me ligj, thjesht me rregulloren e brendshme!
Natyrisht, kjo procedurë vlen për rilindasit, jo për të tjerët.
Të mos e hapim argumentin tjetër, si e mbrojtën Saimirin, kur s’paska pasur as rregullore?! Ndryshimi që propozojnë i nxjerr vetë bllof dhe i zë në flagracë duke dhunuar çdo ligj!
Po kur thonë se e duan reformën më shumë se të gjithë?!
Natyrisht sa të jenë me imunitet e duan. Kur të mos jenë ku do shkojnë? Në emigracion?
Të shohim!
Hë për hë veprojnë ligjet e hashashit!
