Nënkryetari i Lëvizjes Rinore për Integrim, Klevi Pojana, ka publikuar një mesazh në rrjetin social për studenten 21-vjeçare të fakultetit të Juridikut e vrarë dje në Tiranë, Ariela Murati.
“Jemi të gjithë pa fjalë dhe zemërthyer për ty!” shkruan Pojana për studenten që sot u përcoll në banesën e fundit.
Mesazhi
Paqe për shpirtin tënd Ariela Murati!
Na le pas si kujtim buzëqeshjen e një shpirti të bukur dhe dhimbjen e madhe që shkakton padrejtësia!
Jemi të gjithë pa fjalë dhe zemërthyer për ty!
Lutje të madhit Zot për të mëshiruar e për ta lehtësuar dhimbjen e tmerrshme tek familjarët, të afërmit e miqt e tu!
Lamtumirë shoqe!
Të qoftë i lehtë dheu i kësaj toke që s’mundi ta gëzojë dot juristen e shkëlqyer dhe vajzën plot vlera së cilës ju këputën me mizorinë e urrejtjes dhe kurrsesi jo me verbërinë e dashurisë ëndrrat për jetën, ashtu sic këputet një trëndafil në kopështin plot lule!