Një shqiptar është vetëvrarë në rrethana të mistershme në Greqi. Mësohet se 42-vjeçari kishte hyrë mbrëmë në një hotel, por nuk kishte marrë asnjë dhomë si klient.
Ai mundi t’i shpëtojë recepsionistes duke u ngjitur në katin e pestë, prej nga u hodh duke gjetur vdekjen. Ngjarja tragjike ka ndodhur në rrugën 7, Marika Kotopouli rreth orës 22:10 në mbrëmje.
Pavarësisht nga pyetjet e vazhdueshme të stafit të hotelit, 42-vjeçari u ngjit në katin e 5 dhe u hodh.
Nga mediat greke ka raportime se të ndjerit iu gjet një çantë me para, por ende nuk ka një deklaratë zyrtare nga policia, që po vijon hetimet mbi rastin.
