Ish-kryeministri Sali Berisha ka reaguar ashpër ditën e sotme lidhur me takimin që kryeministri Edi Rama ka pasur me pedagogët e Universitetit të Tiranës.
Përmes një statusi në profilin e tij në ‘Facebook’, Berisha thotë se Rama shfrytëzoi takimin për të ofenduar dhe poshtëruar me gjuhë gangsteri të vërtet trupe akademike.
Po ashtu, Berisha i ka kërkuar pedagogëve që të ngrihen kundër Ramës, duke e cilësuar atë si një gangster me pushtet.
“Nje qendrim prej gangsteri i Edi Rames ndaj trupes akedemike! Te dashur miq, pasi ne nje akt te pashembullt ne historine e vendit i ka lene pa rroga trupen akademike te universiteteve publike, sot Edvin Kristaq Rama ne nje takim me perfaqesues te tyre u soll si nje gangster i vertet politik. Ai shfrytezoi takimin per te ofenduar dhe poshteruar me gjuhe gangsteri te vertet kete trupe akademike, duke i quajtur bisht kavalli dhe i kercenoi me as me shume dhe as me pak por me prerje kokash!
Ky qendrim dhe keto fjale nuk jane degjuar kurre ne historine e univesiteteve publike as ne ditet me te zeza te diktatures hoxhiste.
Duke denuar me ashpersine me te madhe gjuhen prej gangsteri, ofendimin dhe poshterimin nga ana e ketij llum-kazani te asistenteve, pedagogeve, profesoreve por edhe studenteve, te cileve ata u japin mesim, iu bej thirrje te gjithe ketyre te dalin nga konformizmi i tyre dhe ne emer te dinjitetit dhe integritetit te tyre njerezor, te mbrojtjes se botes universitare akademike te ngrihen kunder ketij gangsteri me pushtet dhe narkoshtetit te tij! Sb”, -shkruan Berisha.
Kryeministri Edi Rama ishte në një takim ditën e sotme me pedagogët, ku e pranishme ishte edhe Ministrja e Arsimit, Lindita Nikolla.
Gjatë takimit, pati debati të ashpra mes kryeministri dhe pedagogëve, të cilët kanë ngritur shqetësimin se Reforma në Arsim nuk po zbatohet.