Kotzias: Koha për zgjidhjen e çështjeve me Shqipërinë

Shqipëria

Kotzias: Koha për zgjidhjen e çështjeve me Shqipërinë

Më: 12 mars 2018 Në ora: 08:56
Nikos Kotzias

Ministri i Jashtëm grek, Nikos Kotzias, është shprehur optimist në lidhje me negociatat e zhvilluara së fundmi me palën shqiptare për kufirin detar duke thënë se tashmë pas dy vitesh bisedime janë pjekur kushtet për zgjidhjen e problemeve të mbetura pezull mes dy vendeve. Deklaratën kreu i diplomacisë greke e ka bërë në një intervistë për gazetën vendase “Documento”.

Ndonëse media greke i ka dhënë vëmendjen kryesore qëndrimeve të Kotzias për konfliktin e fundit me Turqinë, jashtë vëmendjes nuk kanë mbetur konsideratat për bisedimet me Shqipërinë dhe Maqedoninë.

“Me këto dy vende fqinje kemi probleme qe lidhen me historine, kulturen, trashegimine. Ndersa me Turqine problemet jane me “te ashpra”, lidhen me interesat tona gjeopolitike dhe gjeostrategjike” – ka nënvizuar Kotzias.

Ai ka kritikuar qëndrimet kundërshtuese të opozitës greke në lidhje me bisedimet me Shqipërinë dhe Maqedoninë, duke thënë se partitë kundërshtare të qeverisë helene nuk duan zgjidhjen e këtyre problemeve historike të mbartuara me vendet fqinje.  Bisedimet mes Shqipërisë dhe Greqisë për paktin detar janë në pritje të formatimit të ekipit përfaqësues të Tiranës zyrtare.

commentFirst article
Sot mund të lexoni Shfletoni kopertinat