Tjetër aktor i njohur i ka dalë kundër Edi Ramës për ndërtimin e Teatrit Kombëtar, brenda një kulle.
Është aktori Timo Flloko ai i cili ka folur për herë të parë mbi debatin e hapur në vend për Teatrin Kombëtar.
“Unë jam për një teatër unik, ngrehinë që të qëndrojë më vete, të mos përfshihet në një ndërtesë biznesi.
Jam i atij mendimi që artistët vetë, më mirë se ata nuk e di askush, se sa vlen ajo strehë ku ata krijojnë.
Teatri është kujtesë, memorie, janë disa pisha që kanë emrin e një artisti. Është një kujtesë që nuk mund të zhbëhet. Është aty”, tha Flloko në emisionin e mëngjesit në Top Channel.
Ministria e Kulturës dhe Bashkia e Tiranës janë shprehur se do të shembet teatri ekzistues për tu ndërtua një tjetër më modern. Ende nuk ka një projekt se si do të jete teatri i ri, por vete artistët kanë deklaruar se janë kundër ndërtimit të teatrit në një qendër biznesi, siç është modeli i stadiumit kombëtar.