Në mesin e mijëra qytetarëve të cilët ndoqën festimet e ‘Ditës së Verës’ në Sheshin Skëndërbej ka qenë dhe bashkëshortja e kryeministrit Rama.
Linda Rama këtë vit ndryshe nga të tjerët preferoi të festonte me djalin e saj Zahon në kryeqytet. Për InTv zonja Rama ka treguar arsyen pse nuk gjendej krah bashkëshortit në festimet e qytetit të Elbasanit.
“Bashkëshorti im e kishte ditë punë, kurse unë e kam pushim me djalin. Si kjo ditë me diell të jetë gjithë viti për shqiptarët. I vogli po kënaqet shumë,” tha zonja Rama për In News.
Ashtu si zakonisht familja kryeministrore kujdeset që Zaho i vogël të mos ekspozohet ndaj kamerave në publik. Madje edhe në rrjetet sociale fotot e tij janë përgjithësisht me kurriz. Por sot ai i është gëzuar festimit të ditës së verës si bashkëmoshatarët e tij në Tiranë.
Këtë herë zonja Linda u shfaq mjaft sportive dhe me një stil të veçantë ku binin në sy Xhaketa e saj e verdhë, syzet dhe kapelja.
