Kreu i grupit parlamentar i LSI-së, Petrit Vasili reagoi sot pas deklaratave të kryeministrit Rama në lidhje me largimin e Shqiptarëve.
Sipas tij problemi më i madh është largimi i adoleshentëve të pashoqëruar nga Shqipëria, ndërsa kryeministri dhe qeveria e tij bëjnë sehir.
Statusi i plotë
Tragjedi largimi i mijëra te miturve nga Shqiperia dhe kryeministri rri e veshtron…
Mijëra te mitur nga mosha 7 -17 vjec largohen nga Shqiperia te pashoqeruar drejt Europes.
Eshte tragjedia me e rende dhe rrenqethese me te cilen eshte perballur ky vend.
Mijëra te mitur te rrezikuar nga pedofilia, trafiku i organeve, kthimi ne shperndares droge gjenden ne mes te ketyre rreziqeve shume te renda kriminale e shoqerore sepse Shqiperia gjendet ne mjerim.
Kryeministri flet per emigracionin jo si nje plage e thelle qe vjen nga vrasja e cdo shprese,por si nje kenaqesi e madhe nje normalitet dhe kjo eshte vertet mizore.
Emigrimi i te miturve eshte ajo qe nuk do donim te degjonim kurre, por qeverisja e nje kryeministri pa vizion, pa alternative dhe te paafte e pa zemer po zhben cdo ekuliber minimal social si dhe po krijon nje tension shperthyes shoqeror ku pergjegjesi eshte vetem ai.
Modestia, reflektimi dhe jo arroganca e marrë jane rruga per te dale nga nje situate e tille katastrofike.
Toka e djegur eshte nje fatkeqesi tragjike per te gjithe,por nuk duket e tille per kryeministrin.