Kryetari i opozitës, Lulzim Basha, nuk e ka humbur takimin me Federica Mogherinin, Përfaqësuesen e Lartë të Politikës së Jashtme të BE në ditën aq domëthënëse për Shqipërinë.
Basha është takuar para pak minutash me Mogherinin në Rinas, kur ai sapo u kthye nga Berlini , ku mori pjesë në takimin e PPE-së dhe shefja e diplomacisë po nisej për në Shkup.
Basha e ka konsideruar si mjaft të rëndësishëm, rekomandimin e Komisionit Europian për hapjen e negociatave për anëtarësimin e Shqipërisë në BE; opozita shqiptare ka qënë tërësisht mbështetëse e këtij procesi dhe sot, Nënkryetari i PD-së, Edi Paloka dhe kryetarja e LSI-së, patën një takim me zonjën Mogherini në selinë e Misionit të BE-së në Tiranë.