Rekomandim për negociatat? Belgjika kërkon rikthimin e vizave për shqiptarët

Shqipëria

Rekomandim për negociatat? Belgjika kërkon rikthimin e vizave për shqiptarët

Më: 19 prill 2018 Në ora: 10:42
Theo Francken

Një tjetër telash shfaqet në horizont.

Theo Francken, Sekretar i Shtetit për Azilin dhe Emigrimin në Belgjikë, pritet të vizitojë Shqipërinë të premten.

Por përse?

Shkak është bërë fluksi i azilkërkuesve shqiptarë në këtë vend.

Francken tha se shqiptarët nuk kanë shans që të fitojnë azil në Belgjikë, megjithatë numri i tyre po vjen duke u shtuar.

Vjet ishin 882 shqiptarë që kërkuan azil në Belgjikë, por vetëm 5 përqind e fituan këtë status.

Zyrtari belg pritet që të takojë zyrtarët shqiptarë dhe thotë se do t’ua bëjë të ditur se mund të rikthehet regjimi i vizave nëse nuk merren masa.

Shumica e shqiptarëve kërkojnë azil ekonomik.

Shqiptarët mund të lëvizin pa viza që prej vitit 2010, por së fundmi një seri vendesh të rëndësishme si Gjermania, Franca, Suedia dhe Holanda janë ankuar për numrin në rritje të azilkërkuesve shqiptarë.

commentFirst article
Sot mund të lexoni Shfletoni kopertinat