Rama paralajmëron punonjësit e hipotekave: 80 u larguan do ketë të tjerë

Shqipëria

Rama paralajmëron punonjësit e hipotekave: 80 u larguan do ketë të tjerë

Më: 21 prill 2018 Në ora: 15:34
Edi Rama

Qeveria Rama e cila këtë fundjavë është zhvendosur në Fier zhvilloi takime me drejtuesit qendrorë e vendorë të Qarkut të Fierit, për punësimin, shërbimet dhe reformën e tokës.

Kreu i qeverisë theksoi se do të vijojë reforma në administrata ku sipas tij ka ende grabitqarë. Ai paralajmëroi punonjësit e hipotekës për zvarritjet që krijojnë

Edi Rama: " Janë sot mbi 80 raste largimesh nga puna në hipoteka pikërisht për këtë shkak dhe pikërisht si rrjedhojë e ndërveprimit të drejtpërdrejtë me qytetarët dhe një numër tjetër i konsiderueshëm masash paralajmëruese për punonjësit e hipotekave. Ende në zyrat e shërbimeve administrative ka parazitë dhe grabitqarë që janë mësuar të shfrytëzojnë detyrën dhe mundësinë që u jep detyra, për të përfituar në dëm të interesit dhe të të drejtave të qytetarëve.

Pas Fierit Rama u ndal në qytetin e Lushnjes ku shpjegoi edhe njëherë skemën e re të TVSh ndërsa u shpreh se nuk ka asnjë rritje takse prej pushtetit qëndror

Fermerët e këtij qyteti u ankuan se nuk gjejnë treg për shitjen e prodhimeve Por për kryeministrin problemi për këtë çështje nuk duhet kërkuar te shteti.

Fermeri: Ne fermerët e Fier-Shegan dhe të gjithë Lushnjes, po e hedhim mallin në kanal.

Edi Rama: Që ta kuptoni një herë e mirë, historia e hedhjes së produkteve në lumë nuk është histori që e zgjidh shteti por truri" 

Kreu i qeverisë përsëriti edhe njëhere se përfshirja e biznesit të vogël në TVSH-nuk do të ketë asnjë impakt te biznesi i vogël pavarësisht ankesave.

Sot mund të lexoni Shfletoni kopertinat