Qytetarët që duan të blejnë një apartament ose ta marin me qira do të detyrohen të shpenzojnë më shumë.
Agjensitë imobiliare deklarojnë se muajt e fundit ka pasur një rritje të ndjeshme të çmimeve për ndërtimet e reja që variojn nga 10 deri në 30%
Ilda Zaloshnja, Agjente Imobiliare: U vu re një rritje e ndjeshme 10-20% të çmimeve në të cilat ishin trajtuar pronat e patundshme nëpër këto zona deri në atë moment. Për pasojë të rritjes së çmimit të shitjeve edhe çmimi i qirave janë rritur.
Lefter Sila, Agjent Imobiliar: Që kjo rritje është vetëm për ndërtimet e reja që kanë filluar 2-3 vitet e fundit, ndërsa ndërtimet e tjera që kanë qenë ndërtuar më parë ngelen në astnacion me vlera më të ulëta.
Xheni Jahja, Inxhiniere, vlerësuese e pasurive të paluajtshme: Ndërtimet e rinj kanë ardhur me një çmim guximtar.
Por cilat janë arsyet? Ilda Zaloshnja shpjegon se në rritjen e çmimeve ka ndikuar rritja e taksës së infrastrukturës, cilësia e ndërtimit dhe miradministrimi i pallateve.
Ilda Zaloshnja, Agjente Imobiliare: Për inerci të këtyre projekteve të reja të cilat sigurisht do të reflektojnë në rritjen e çmimit jo vetëm të taksës por edhe për shkak të cilësisë më të mirë të ndërtimit, për shkak të përdorimit të teknologjive të reja të ndërtimit të cilat janë më bashkëkohore dhe për rrjedhojë edhe më të kushtueshme.
Për shkak të pamundësive ekonomike mbi 90 % e shqiptarëve i blejnë shtëpitë me anë të kredive bankare.
Lefter Sila, Agjent Imobiliar: Nëse më përpara shitja e shtëpive bëhej me para në dorë, tani 60-70% e shitjeve bëhet nëpërmjet kredive nga bankat.
Nëse dikur ishte një trend blerja e shtëpive nga emigrantët tashmë ka ardhur në ulje. Xheni Jahja shpjegon se kërkesat janë më të vogla dhe kryesisht janë për shtëpitë në bregdet
Xheni Jahja, Inxhiniere, vlerësuese e pasurive të paluajtshme: Ofertat në bregdet të cilat janë të interesuar për apartamente, për vileta me pak truall, për pozicione edhe bregdetare, por edhe në qytet.
Periferitë vijojnë të mbeten më të preferuara nga familjet e reja pasi çmimet janë më të favorshme dhe variojnë nga 500 deri 700 euro për m2.
