Besnik Mustafaj thotë se kryeprokurorja Arta Marku është e paaftë.
I ftuar në News24, ai ka komentuar vendimin për shkarkimin e të ashtëquajturit “i besuari i Llallës” Besim Hajdarmataj.
Ish- ministri nënvizoi se Marku po emëron shoqet e saj në pozicione drejtuese të Prokurorisë së Përgjithshme.
“Prokurorja Arta Marku po bën një gjë që është e papajtueshme me frymen që presupozohet se duhet të fusë reforma në drejtësi, nje klientelizëm shumë të madh duke emëruar shoqet e saj, të njohura si mikesha të saj personale, pra njerëz që ka lidhje emocionale më të fortë se kolegët e tjerë.
Kjo gjë e zhvlerëson parimërinë e këtyre lëvizjeve.
Arsyeja tjetër lidhet me rezultatet që ka pasur prokurorja që ka zëvendësuar Hajdarmatajn.
Ekstradimi që ishte kundër interesave të Tahirit.
Kjo zonjë më e pakta është profesionalisht e paaftë për të mbajtur barra të mëdha”, tha Mustafaj.