Pas mbledhjes së grupit të PS, ku Edi Rama e “bekoi” politikisht Fatmir Xhafajn për të vijuar detyrën, kryeministri zhvilloi një takim me Ministrin e Brendshëm.
Kryeministri Edi Rama konfirmoi me bindje në detyrë Ministrin e Brendshëm, Fatmir Xhafaj, i cili u akuzua për 7 ditë me radhë nga opozita.
Sa për audio-përgjimin e publikuar, Rama tha se e kishte verifikuar në një agjenci të huaj autenticitetin e tij dhe i rezultoi që ka qenë një mashtrim.
Rama tha se qëllimi ishte destabilizimi i qeverisë dhe pengimi i negociatave.
Kryeministri kërcënoi se kush e ka organizuar, do të shkojë në burg.