Dy persona kanë rënë nga lartësia në zonën turistike të “Shpellës së Pëllumbasit” në kryeqytet. Mësohet se ata ishin pjesë e një grupi turistësh shqiptar, dhe ngjarja ka ndodhur rreth orës 12.15.
“Më datë 19.05.2018, rreth orës 12:15, te “Shpella e Pëllumbasit”, kanë rënë nga lartësia shtetasit Xh. S., dhe F. D., ( pjesë të një grupi turistësh shqiptar). Shtetasi Xh. S., dyshohet të jetë marrë nga rrjedha e ujit, ndërsa shtetasi F. D., ka mbetur në një gryk kanioni dhe ndodhet në gjëndje të mirë shëndetësore. Shërbimet e policisë dhe zjarrëfikëses po punojnë për nxjerrjen e shtetasit F. D., nga gryka e kanionit dhe për gjetjen dhe nxjerrjen nga ujit të shtetasit Xh.S”, thuhet në njoftimin paraprak të policisë së Tiranës.
