“Kokaina e Maminasit e lidhur me opozitën”, PD i përgjigjet Ramës: Je i lutur që të vish tani dhe…

Shqipëria

“Kokaina e Maminasit e lidhur me opozitën”, PD i përgjigjet Ramës: Je i lutur që të vish tani dhe…

Më: 22 maj 2018 Në ora: 14:34
Deputeti i PD, Gent Stazimiri,

Deputeti i PD, Gent Stazimiri, në një deklaratë për media i është përgjigjur kryeministrit Edi Rama, për akuzat e këtij të fundit se kokainë e Miminsait ka lidhje me njerëz të lartë të PD.

Strazimiri deklaroi se  nëse Rama ka prova lë të vij e të arrestoj ata që janë përfshirë në trafikun e kokainës.

Deklarata e plotë

Për të mbrojtur veten dhe vëllezerit Xhafaj, Edi Rama është vënë në krye të një skenari kriminal mashtrimesh, manipulimesh dhe kërcënimesh kundër çdo denoncuesi të krimit me lidhje qeveritare.

Njësoj si me ekspertizën e zërit të Agron Xhafajt, duke bërë prokurorin, Edi rama hodhi mashtrimin e rradhës për drogën e Maminasit.

Siç e dinë të gjithë shqiptarët, Partia Demokratike nuk mbron kriminelët.

Kokaina e Xibrakës dhe kokaina e Maminasit, trafiku dhe laboratorët e kokainës në Shqipëri janë të Genci Xhixhës, Ermal Hoxhës, Olsi Ramës dhe shokëve të tij.

Edi Rama, nëse secilin prej tyre i ke në Partinë Demokratike, je i lutur të vish tani, sot, dhe t’i arrestosh!

Por e vërteta është se vetë i ke përcjellë në Kubë, Kolumbi e kudo tjetër me policët e tu narkotrafikantë të shpallur në kërkim, me dy ministrat e tu të brendshëm të lidhur me drogën dhe me vëllain tënd.

Partia Demokratike nuk është Partia Socialiste.

Ndryshe nga Edi Rama dhe PS, për ne droga është kanceri që po vret Shqipërinë.

Ka vetëm një rrugë për hapjen e negociatave: lufta kunder drogës dhe krimit, kunder kapjes së shtetit nga xhafajt, habilajt tahirët, nga Edi Rama dhe shpura e tij mafioze.

Shqipëria nuk mund të sakrifikohet për Sajmir Tahirin, vëllezërit Xhafaj, vëllezërit Habilaj dhe vëllezerit Rama.

Ftojmë të gjithë shqiptarët të bashkohen të shtunën me 26 maj në ora 11 në protestën kombëtare për Shqipërinë e çliruar nga qeveria e lidhur me krimin, për drejtësinë e barabartë për të gjithë, për Shqipërinë si gjithë Europa!

commentFirst article
Sot mund të lexoni Shfletoni kopertinat