“Tahiri do të shkojë në burg”. Kjo është deklarata e fortë e kreut të PD, Lulzim Basha në emisionin “Opinion” në Klan. Më tej Basha u ndal edhe në çështjen e hapjes së negociatave me Shqipërinë ku deklaroi se Europa nuk pranon gënjeshtrat e Edi Ramës, por është më mirë kur pranon gabimet dhe kërkon ndihmë e premton t’i rregullosh. “Qëndrimi hipokrit dhe hileqar është ai i Edi Ramës, që iu thotë po nuk hapët negociatat, terrorizmi, kjo-ajo, Rusia. Përqasja jonë ka qenë më bindëse për Europianët, sepse siç e the ata nuk pranojnë gënjeshtra.
Ne u kemi thënë troç, i kemi këto probleme por ne jemi të angazhuar t’i luftojmë këto probleme dhe për këtë kërkojmë ndihmën tuaj.
Nëse ka një shans sado të vogël për hapjen e negociatave është pikërisht për meritë të opozitës.
