Kreu i Shtetit, Ilir Meta ishte sot në bashkinë e Pustecit, aty ku u çel sezoni turistik.
Meta u bën thirrje turistëve të huaj dhe vendas që të vizitojnë bukuritë e kësaj zonë, mikpritjen e jashtëzakonshme dhe të shijojnë gatimet tradicionale.
Presidenti zbulon se disa ditë nga pushimet verore do i kalojë në Presë.
“Së bashku me autoritetet vendore çelëm sot sezonin turistik në Bashkinë Pustec. Ftoj turistët vendas dhe të huaj të shijojnë bukuritë natyrore e të pakonkurrueshme të kësaj zone, veçanërisht të liqenit të Prespës, mikpritjen e jashtëzakonshme dhe gatimet tradicionale.
E mahnitshme Kisha e Shën Marisë në ishullin e Maligradit. I uroj sezon të mbarë turistik Bashkisë së Pustecit, ku kam vendosur të kaloj disa ditë gjatë pushimeve verore”, shkruan Meta.
