Në një kohë që Lulzim Basha ka vendosur që të mos lirojë foltoren e kuvendit, ai që ka reaguar i acaruar nga gjëndja në të cilën ka hyrë parlamenti, ka qenë zv.kryetari i LSI-së Luan Rama, i cili i është drejtuar kryetarit të parlamentit Gramoz Ruçi.
Deputeti i LSI-së është shprehur se është në tagrin e kryetarit të kuvendit që t’i kthejë normalitetin kuvendit, duke kritikuar kështu Lulzim Bashën, i cili nuk ka lëvizur për asnjë moment nga podiumi.
Luan Rama: Lirojeni foltoren siç mund të flitet në një parlament normal. Ju lutem jemi këtu për të demonstruar që parlamenti është institucion, cdo sjellje tjetër që cënon kodin e etikës. Nuk mund të vazhdojë më tej.
Jemi përballë vendimit historik që do të mbahet në 28 qershor. Ka disa javë me rradhë që ky kuvend është pushtuar nga formalizmi.