Policia Kufitare po përballon me sukses fluksin e qytetarëve që hyjnë dhe dalin nga nga pikat e kalimit kufitar në Morinë dhe Muriqan.
Aktualisht në pikën kufitare të kalimit Morinë po punohet me 6 sportele, duke mos lejuar që të krijohet radhë tek automjetet.
Ndërsa në pikën kufitare në Muriqan shërbehet me 4 sportele në ditë për hyrje-daljet dhe në Hanin e Hotit shërbehet me 2 sportele në ditë për hyrje-daljet.
Gjithashtu gjatë fundjavës pikat kufitare kanë marrë masa shtesë për përballimin e fluksit për hyrje-daljet, për shkak të sezonit turistik.
Për sezonin turistik në plazhin e Velipojës janë të planizuar shërbime shtesë të policisë kufitare, me mjet lundrues në funksion dhe në shërbim të pushuesve.
Për çdo problem telefononi në numrat 129 dhe 112 dhe Policia e Shtetit do t’ju vijë menjëherë në ndihmën tuaj.