Instituti i Gjeoshkencave, Energjisë, Ujit dhe Mjedisit bën me dije se sot në territorin shqiptar nuk pritet të ketë rrezik për zjarre si pasojë e temperaturave të larta.
Sipas IGJEUM në disa qarqe pritet rrezik në zona të lokalizuara, konkretisht: qarku Shkodër (Jugperëndim), Kukës (Veri-perëndim), Tiranë (Perëndim).
Sot pasdite dhe nesër priten reshje “të dobta” ose lokalisht të dobta ne 2 qarqet e veriut.
Reshjet pritet të jenë të përqendruara kryesisht në zonat malore të qarqeve. Në ndonjë rast të rrallë, në zona shumë të kufizuara reshjet mund të jenë edhe në formën e shtrëngatës me kohëzgjatje të shkurtër (zakonisht, pasditeve dhe mbrëmjeve). Kjo mundësi do të jetë më e vogël sesa gjatë ditëve të kaluara.
Nesër temperaturat minimale dhe maksimale të ajrit pritet të arrijnë: në bregdet: 20 / 29 °C, në vendet e ulëta: 17 / 32 °C dhe në vendet malore: 14 / 28 °C.
Ndërsa era pritet të fryjë e lehtë deri mesatare.
