Berisha tallet me Ramën: Amin! Një tjetër sukses "super" i jashtëzakonshëm

Shqipëria

Berisha tallet me Ramën: Amin! Një tjetër sukses "super" i jashtëzakonshëm

Më: 17 korrik 2018 Në ora: 20:25
Sali Berisha

Nuk e ka kursyer ironinë dhe tonët tallëse ish kryeministri Sali Berisha, i cili ka komentuar takimin mes Ramës e eurokomisionerit Johannes Hahn.

Përmes një postimi në rrjetin social, Berisha shkruan se “piktori dështak” si zakonisht shpërtheu në një skizë paranojake duke thënë se duan apo s’duan shqiptarët, është ai përgjegjësi i progresit të jashtëzakonshëm të bërë nga Shqipëria… pavarësisht se, shton Berisha, vendi nuk i hapi negociatat në muajin qershor.

Nje nje sukses i super-jashtezakonshem!

Te dashur miq, ne deklaraten e tij para mediave ne prani te komisionerit Hahn, piktori deshtak shpertheu si zakonisht ne nje skize paranojake. Ai u tha gazetareve “doni apo nuk doni ju ne kemi bere progres te jashtezakonshem prandaj dhe ne momentin e fundit bindem Hollanden dhe Francen”!?!?

Progresi i jashtezakonshem i piktorit deshtak, qe nuk di çfare flet, beri qe:

1- Te hidhet poshte me unanimitet nga 28 lidere te BE, per shkak te progresit te tij imagjinar te jashtezakonshem, rekomandimi per hapjen pa kushte te negociatave me Shqiperine.

2- Te hidhet poshte nga 28 shefat e qeverive te vendeve anetare te BE, per shkak te progresit te tij te jashtezakonshem ne leter, propozimi gjerman per marrjen me 27 qershor 2018 te vendimit per hapjen e negociatave dhe hapjen e tyre pas plotesimit te 10 kushteve te dekalogut te famshem te Bundestagut dhe qeverise gjermane.

3- Te hidhet poshte me unanimitet, per shkak te progresit te jashtezakonshem qe ekziston vetem nr psiqizmin e psikopatit qe nuk dine se çfare flet, edhe propozimi i qeverise austriake per shtyrjen deri ne dhjetor 2018 te shqyrtimit te propozimit gjerman.

4- Te shtyhet me konsensus te plote sipas propozimit francez, per shkak te progresit te jashtezakonshem te mendjes se semure te piktorit deshtak, diskutimi i vendimit per hapjen e negociatave per nje vit e gjysem, pra per dhjetor te vitit 2019

5- Te shtohen, me vendim unanim te 28 lidereve te BE, per shkak te progresit te jashtezakonshem te shenuar vetem ne skizat e paranojes se piktorit deshtak, nga 5, qe ishin kushtet ne rekomandimin e Keshillit te 13 dhjetorit te vitit 2016 dhe 10 qe ishin ne dekalogun gjerman, ne 13 kushte per t’u plotesuar para se te merret vendimi per hapjen e negociatave ne fund te vitit 2019!

I jashtezakonshem, i jashtezakonshem, i super-jashtezakoshem! Amin! sb

commentFirst article
Sot mund të lexoni Shfletoni kopertinat