Kush është Drita Lulo, motra që i dhuroi vëllait gjyqtar 450 mijë $

Shqipëria

Kush është Drita Lulo, motra që i dhuroi vëllait gjyqtar 450 mijë $

Më: 20 korrik 2018 Në ora: 10:44
Fatos Lulo

Biznesmenia Drita Lulo i dhuroi të vëllait, Fatos Lulo, ish-gjyqtar i Gjykatës Kushtetuese rreth 450 mijë dollarë, pasuri, apartamente dhe para kesh. 4 kompanitë e Drita Lulos rezultojnë të mbyllura sipas QKR-së.

Detaje të reja kanë dalë në lidhje me motrën e ish-gjyqtarit të Gjykatës Kushtetuese, Fatos Lulos, Drita Lulo. Report Tv ka mësuar se Drita Lulo është një biznesmene në fushën e ndërtimit dhe hidrocentraleve. 4 kompanitë që zotërohen nga Drita Lulo, rezultojnë të mbyllura sipas të dhënave zyrtare që dalin në QKR. 

Emri i  Drita Lulos doli për herë të parë në skenë në muajin mars të këtij viti, gjatë seancës dëgjimore për Lulon në KPK-së, ku u tha se e motra i kishte dhuruar një sasi parash rreth 450 mijë$.

Në raportin që ILDKPI-ja kishte dorëzuar në KPK, thuhej se ish-gjyqtari Fatos Lulo kishte marrë me kontratë dhurimi nga e motra e tij një apartament tek “Rruga e Durrësit” dhe një zyrë, me vlerë rreth 100 mijë dollarë, ndërsa në vitin 2006, ajo i kishte dhënë Fatos Lulos rreth 200 mijë dollarë.

commentFirst article
Sot mund të lexoni Shfletoni kopertinat