Tmerri nga zjarri në Athinë, konfirmohet vdekja e tre shqiptarëve, dëshmitë

Shqipëria

Tmerri nga zjarri në Athinë, konfirmohet vdekja e tre shqiptarëve, dëshmitë

Më: 24 korrik 2018 Në ora: 11:28
Athinë

(E plotësuar) - Situata në zonën ë Atikës në Greqi është ende shumë e rrezikshme, ndërsa deri më tani raportohet për më shumë se 50 viktima, dhe më shumë se 160 të lënduar.

Gazetarja Ira Londo raportoi nga Greqia për “News 24” se fatkeqësisht është konfirmuar se ka tre viktima shqiptarë, të cilët kanë qenë punonjës të një restoranti. Gjithashtu mësohet se janë djegur edhe disa shtëpi të shqiptarëve ne Greqi.

Ajo u shpreh se kjo zonë është shumë e populluar nga shqiptarët, dhe gjatë këtyre orëve ajo ka pasur kontakt me disa prej tyre.

Tmerri në Athinë, dëshmia: Vdes i riu nga Tepelena brenda makinës, 13 shqiptarë të lënduar

Situata në zonën e Atikës në Greqi është ende shumë e rrezikshme, ndërsa deri më tani raportohet për më shumë se 50 viktima, dhe më shumë se 160 të lënduar.

Në një lidhje live për News 24, korrespondentja për Greqinë, është shprehur se kjo zonë është shumë e populluar nga shqiptarët, dhe gjatë këtyre orëve ajo ka pasur kontakt me disa prej tyre.

Gazetarja tha se brenda makinës së një shqiptari është gjetur një viktimë, por ende nuk dihet nëse është trupi i një të riu nga Tepelena.

Ndërkohë, ajo është shprehur se nga dëshmitë që ka pasur nga shqiptarët që kanë mundur t’u shpëtojnë flakëve, i është pohuar se favori që ata kanë pasur, ka qenë njohja e mirë e zonës, pasi jetojnë aty edhe gjatë dimrit, dhe kjo i ka ndihmuar që të largohen përmes rrugicave dhe të dalin më shpejt në det. [fire-870x418]

Pjesa më e madhe e viktimave janë gjetur të shkrumbuar në makina, duke mos pasur mundësi të largohen.

Gazetarja Ira Londo raportoi nga Greqia për “BalkanWeb” se duke iu referuar komunitetit shqiptar atje në mesin e viktimave janë edhe 5 shqiptarë, mes të ciëlve tre burra dhe dy fëmijë. Tre burrat shqiptarë janë djegur në një restorant teksa ishin të punësuar aty. Gjithashtu mësohet se janë djegur edhe disa shtëpi të shqiptarëve ne Greqi. Ende nuk ka konfirmim zyrtar për shqiptarët që kanë humbur jetën.

Ndërkohë, “Report Tv” ka marrë një dëshmi nga një emigrant shqiptar, Mondi Sinaj, i cili në një lidhje telefonike nga Athina shprehet se në zonën që ka rënë zjarri kishte shumë shqiptarë që punonin në banesat që janë djegur, ndërsa nga informacionet e para janë 13 të lënduar.

Përsa i përket shqiptarit që dyshohet se ka humbur jetën, ai është nga Tepelena dhe sipas Sinajt, nuk arriti që të dalë nga makina, pas zjarrit.

“Në fakt në zonën e zjarreve ka pasur shumë shqiptarë të cilët punojnë nëpër shtëpitë e grekëve. Kemi informacion se 13 shqiptarë janë lënduar nga flakët. Kam folur me shumë prej tyre. Flitet edhe për një djalë nga Tepelena që dyshohet se është djegur në makinën e tij, por nuk e dimë 100% të saktë.

Kemi pasur shumë ndihmë nga ambasada. Janë interesuar deri vonë në orët e mbrëmjes. Zjarret kanë rënë kudo në Athinë në të gjitha anët. Kam parë gra dhe fëmijë që vuajnë dhe digjen, është diçka që nuk përshkruhet me fjalë, kam parë masakër me sy.

Ato që hoqëm dje nuk mund të përshkruhen dot. Njerëzit u hodhën në det për të shpëtuar. Është diçka e tmerrshme. Unë isha në shtëpi dhe u interesova për njerëzit që njihja. Zjarri ishte me shpejtësi për shkak të erës”, është shprehur ai.

commentFirst article
Sot mund të lexoni Shfletoni kopertinat