Ja 21 ‘peshqit’ që kapi rrjeta e vetingut: “Tani nis faza ndëshkimore”

Shqipëria

Ja 21 ‘peshqit’ që kapi rrjeta e vetingut: “Tani nis faza ndëshkimore”

Më: 8 gusht 2018 Në ora: 14:22
KPL

4 Prilli shënoi seancën e parë publike të verifikimit të anëtarëve të Pallatit të Drejtësisë shqiptare. Komisioni i Kualifikimit shqyrtoi dosjen e anëtares pa mandate të gjykatës kushtetutese Vitore Tusha, pjesë e listës prioritare të procesit të vetingut. Seancë, e cila u pasua me dhjetëra të tjera, për t’u mbyllur me vendimin e 6 Gushtit për prokurorin e apelit të Shkodrës Arben Dollapaj. Vetingu i gjyqtarëve dhe prokurorëve bazohet në tre kritere, vlerësimin e pasurisë, kontrollin e figures morale dhe vlerësimin e aftësive profesionale.

Nga vendimmarrja e komisionerëve të vetingut, 21 gjykatës dhe prokurorë, nga nivelet më ë larta të sistemit u shkarkuan nga detyra. Shkak kryesor për përjashtimin kryesisht ka qenë mosjustifikimi i pasurisë së vendosur gjatë karrierës. Por ka pasur edhe vendime, të cilat u morën për arsye të kontakteve me njerëz nga bota e krimit.

Ndërkohë 27 gjykatës e prokurorë janë konfirmuar në detyrë. Ka pasur disa syresh të cilët edhe pse hetimi tregoi mangësi në dokumentacion për vërettëimin e pasurisë, kanë kaluar me sukses vetingun. U konfirman në detyrë edhe krerët e dy gjykatave kryesore në vend, Bashkim Dedja, kryetar i Gjykatës Kushtetutese dhe Xhezair Zaganjori, kryetar i Gjykatës së Lartë. Për këto raste, Operacioni Ndërkombëtar i Monitorimit ka kërkuar nga Komisioneri Publik të ankimojë vendim pranë Kolegjit të Posaçëm të Apelimit. Për Vizion Plus, vëzhguesit ndërkombëtarë theksuar se rekomandimet për Dedjen dhe Zaganjorin, u përcollën pasi “ONM nuk është dakord me arsyetimin dhe përfundimet e Komisionit të Pavarur të Kualifikimit”, që i konfirmuan në detyrë.

Vetingu përbën themelin për pastrimin e sistemit të drejtësisë shqiptare nga të korruptuarit. Por me largimin nga detyra e shumë gjykatësve të Gjykatës Kushtetutese dhe asaj të Lartë, këto organe të rëndësishëm u bllokuan.

Por nëse nga procesi i vetingut 21 gjykatës e prokurorë u përjashtuan nga sistemi, pasi janë gjetur pasuri të paligjshme, deklarime të rreme, fshehje të milionave, mungesë justifikimi të të ardhurave dhe kontakte me krimin, asnjë prej tyre nuk ka nisur të hetohet.

Zëvendësministri i Drejtësisë, Toni Gogu, tha sot se ata nuk do shpëtojnë.

“Vetingu, që po zbulon pasuri të paimagjinueshme me shkelje ligjore të panumërta, duhet të pastrojë llumin në togën e zezë. Ata gjyqtarë që mendojnë se do ia hedhin duke ikur nga sistemi, por jo, pas vetingut është radha e ndëshkimeve për të gjithë, se nuk është pastrimi i llumit, por garantues i një sistemi që të bëjë drejtësi. Shumë shpejt do të nisë faza e dytë ndëshkimore. Siç mendohej se kupola në drejtësi nuk do të shembej, kjo gjë po ndodh”.

Komisioni i Pavarur i Kualifikimit pritet të rinisë punën në fillim të shtatorit. Parashikohet që mbi 100 gjyqtarë dhe prokurorë, që do të kalojnë në skanerin e vetingut.

TE PERJASHTUAR 

Fatos Lulo, Gjykatës në Gjykatën Kushtetutese

Fatmir Hoxha, Gjykatës në Gjykatën Kushtetutese

Altina Xhoxhaj, Gjykatëse në Gjykatën Kushtetutese

Tom Ndreca, Gjykatës në Gjykatën e Lartë

Admir Thanza, Gjykatës në Gjykatën e Lartë

Adriatik Cama, Prokuror në Prokurorinë e Tiranës

Gentian Trenova, Prokuror i Prokurorisë së Apeltit Tiranë

Artan Laze, Gjykatës në Gjykatën e Tiranës

Luan Kaloçi, Prokuror në Prokurorinë e Tiranës

Besim Trezhnjeva, Gjykatës në gjykatën e Apelit Durrës

Besa Nikëhasani, Prokurore në Prokurorinë e Apelit Shkodër

Artan Zeneli kryetar i KED

Gani Dizdari, Gjykatës në Gjykatën Kushtetuese

Arben Nela, Prokuror në Prokurorinë e Tiranës

Ervin Metalla, Gjykatës në Gjykatën e Tiranës

Arben Broci, Gjykatës në Gjykatën e Lartë

Shkëlqim Selimi, Gjykatës në Gjykatën e Lartë

Bledar Abdullai, Gjykatës në Gjykatën e Tiranës

Dritan Rreshka, Prokuror në Prokurorinë e Tiranës

Elison Sadiku, prokuror

Rovena Gashi, prokurore në Prokurorinë e Përgjithshme

TE KONFIRMUAR

Arta Marku, Prokurore e Përgjithshme e Përkohëshme

Bashkim Dedja, Kryetar i Gjykatë Kushtetuese

Vitore Tusha, Gjykatëse pa mandat në Gjykatën Kushtetuese

Edmond Islamaj, Gjykatës në Gjykatën e Lartë

Ardian Dvorani, Gjykatës në Gjykatën e Lartë

Dritan Prençi, Prokuror në Prokurorinë e Krimeve të Rënda

Anila Leka, prokurore në Prokurorinë e Përgjithshme

Manjola Xhaxho, Gjykatëse në Gjykatën e Tiranës

Fatjona Memçaj, Prokurore në Prokurorinë e Apelit Tiranë

Brikena Ukperaj, Gjykatëse në Gjykatën e Apelit në Vlorë

Marçela Shehu, Gjykatëse në Gjykatën e Rrethit Kurbin

Kostaq Beluri, Prokuror në Prokurorinë e Përgjithshme

Alma Brati, Gjykatese në Gjykatën e Tiranës

Vate Staka, Prokuror në Prokurorinë e Shkodrës

Ilir Toska, Gjykatës në Gjykatën e Apelit Tiranë

Nertina Kosova, Gjykatëse në Gjykatën e Apelit të Krimeve të Rënda

Antoneta Sevdari, Prokurore në Prokurorinë e Tiranës

Xhezair Zaganjori, Kryetar i Gjykatës së Lartë

Medi Bici, Gjykatës në Gjykatën e Lartë

Dritan Hallunaj, Gjykatës në Gjykatën e Krimeve të Rënda

Brunilda Kadi, Gjykatëse në Gjykatën e Tiranës

Besnik Muçi, Prokuror i Krimeve të Rënda

Gentijan Medja, Gjykatës i Gjykatës Administrative

Gentian Osmani, Prokuror i Krimeve të Rënda

Arben Dollapaj, Prokurori i Apelit të Shkodrës

Astrit Faqolli, Gjykatës në Gjykatën Tiranës

Artur Malaj, Gjykatës në Gjykatën Administrative

Sot mund të lexoni Shfletoni kopertinat