Kryeministri i Shqipërisë, Edi Rama ka njoftuar se është përzgjedhur nga Financial Times si foto dite, një imazh i Liqenit të Bizës.
Përmes faqes së tij në Facebook, Rama ka thënë se është vlerësuar sezoni fantastik turistik i Shqipërisë këtë vit si në bregdet ashtu dhe në zonat e mrekullueshme malore.
Postimi i plotë:
MIRËMËNGJES
dhe me këtë foto të veçantë të Bizës, përzgjedhur nga Financial Times si foto dite, përmes së cilës vlerësohet sezoni fantastik turistik i Shqipërisë këtë vit si në bregdet ashtu dhe në zonat e mrekullueshme malore, ju uroj një ditë të mbarë
Në mbishkrimin e fotografisë së publikuar në Instagramin nga Financial Times është shkruar:
Një qiell i ndritshëm shihet teksa bie si mjegull mbi liqenin malor të Bizës në Shqipërinë qendrore më 5 gusht 2018. Shqipëria po përjeton një nga sezonet më të mira turistike ndonjëherë, me turistët jo vetëm që drejtohen në plazhet e Adriatikut dhe Jonit, por edhe për turizmin e aventurës në zonat malore të pacenuara.
