“Kryqëzimi i vdekjes” në Kamëz, dora e shtetit s’duket gjëkundi

Shqipëria

“Kryqëzimi i vdekjes” në Kamëz, dora e shtetit s’duket gjëkundi

Më: 16 shtator 2018 Në ora: 15:34
Çdo ditë, qindra qytetarë vijojnë të rrezikojnë jetën kur kalojnë nga njëri krah i rrugës në tjetrin.

Ndonëse ka kaluar më shumë se një muaj nga aksidenti tragjik me dy të vdekur, autoritetet ende nuk kanë marrë asnjë masë për vendosjen e sinjalistikës në një kryqëzim që të çon dret Kamzës.

Çdo ditë, qindra qytetarë vijojnë të rrezikojnë jetën kur kalojnë nga njëri krah i rrugës në tjetrin.

Përveç familjarëve, të cilët kanë vendosur buqeta me lule dhe një biçikletë në kujtim të të afërmve të tyre, dora e shtetit nuk duket gjëkundi.

Enti pronar i rrugës në këtë zonë është Bashkia e Tiranës. Sipas Policisë Rrugore, ky kryqëzim është një “njollë e zezë”, ku mungon semafori, por edhe vijat e bardha për kalimin e këmbësorëve.

Rrugorët kanë kërkuar herë pas here ndërhyrjen për zgjidhjen e situatës. Më 8 gusht, në këtë kryqëzim u përplasën për vdekje një qytetar, që lëvizte me biçikletë, si dhe një vogëlushe 7-vjeçare, që po kalonte rrugën së bashku me të motrën dhe të ëmën.

Policia arrestoi drejtuesen e mjetit, ndërkohë që një nga shkaqet kryesore, përveç pakujdesisë së shoferes, rezultoi të ishte dhe mungesa e sinjalistikës.

commentFirst article
Sot mund të lexoni Shfletoni kopertinat