Ambasada e Shteteve të Bashkuara të Amerikës në Tiranë i bën thirrje prokurorëve shqiptarë që të aplikojnë të hyrë në garën për një post në Këshillin e Lartë të Prokurorisë.
Ambasada e ka bërë njoftimin përmes një postimi në rrjetin social, duke i bërë thirrje prokurorëve patriotë, të ndershëm dhe me integritet, që të dalin përpara për t’i shërbyer vendit të tyre.
Postimi i plotë
Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje prokurorëve të ndershëm, patriotë dhe me integritet që të bëjnë përpara dhe t’i shërbejnë vendit të tyre në Këshillin e Lartë të Prokurorisë. Bëhuni pjesë e të ardhmes së Shqipërisë.
