Grupi parlamentar i Partisë Socialiste është mbledhur nën drejtimin e kryeministrit Edi Rama për të diskutuar për situatën në vend si dhe dy nismat e maxhorancës.
Rama mesohet se nuk eshte fokusuar tek ngjarja e dites qe lidhet me operacionin e policise por tek se propozimi i tij për bastet dhe ai për shpifjen
Mësohet se kryeministri Rama ka porositur qe të mos mungojë asnjë nga deputetet në seancën e së enjtes ku do të votohet projektligji për lojërat e fatit. Rama ka kërkuar gjithashtu qe të denoncohet çdo shpifje.
“Ligjin për lojërat e fatit do ta votojmë me shumicë dhe është i lutur çdo deputet i opozitës t’i bashkohet votimit. Të gjithë duhet të jeni në seancën e së enjtes për të votuar ligjin për lojërat e fatit. Asnjë të mos mungojë në seancën e së enjtes.
Po kështu do ju kërkoja që të gjithë të denonconi çdo shpifje duke firmosur dhe kaq. Ka ekip që e ndjek”, mësohet se ka thënë Rama në mbledhjen e grupit.