Policia e Tiranës, ka bërë të ditur se ka arrestuar dy gra, të cilat akuzohen për “Vjedhje” dhe “Bashkëpunim”.
Policia sqaron se, u arrestuan në flagrancë shtetaset Sh. D., dhe E. D., vjeçe 66 e 40, banuese në Tiranë. Ato akuzohen për veprën penale të parashikuar nga neni 134/2 e 25 i Kodit Penal.
Komisariati i Policisë Nr. 1
Më datë 04. 11. 2018, u arrestuan në flagrancë shtetaset Sh. D., dhe E. D., vjeçe 66 e 40, banuese në Tiranë, për veprën penale të parashikuar nga neni 134/2 e 25 i Kodit Penal.
Neni 25
Kuptimi i bashkëpunimit
Bashkëpunim quhet kryerja e veprës penale nga dy ose më shumë persona me marrëveshje ndërmjet tyre.
Neni 134
Vjedhja
(Ndryshuar me ligjin nr. 9275, datë 16. 09. 2004; ndryshuar me ligjin nr. 23/2012, datë 01. 03. 2012)
Vjedhja e pasurisë dënohet me gjobë ose me burgim gjer në tre vjet.
Po kjo vepër, kur kryhet në bashkëpunim ose më shumë se një herë dënohet me burgim nga gjashtë muaj deri në pesë vjet.
E njëjta vepër, kur ka sjellë pasoja të rënda dënohet me burgim nga katër deri në dhjetë vjet.
