Artikulli i “The Sun”: Bandat e ish ushtarakët shqiptarë po mbushin në gjak rrugët e Spanjës

Shqipëria

Artikulli i “The Sun”: Bandat e ish ushtarakët shqiptarë po mbushin në gjak rrugët e Spanjës

Më: 7 nëntor 2018 Në ora: 20:26
Artikulli

Një artikull i “The Sun Online” ka bërë një panoramë të krimeve seriale dhe zinxhirit të ngjarjeve të rënda të ndodhura kohët e fundit në vijën bregdetare të Spanjës, ku përfshihen edhe shqiptarët.

Artikulli tregon se kohët e fundit në Spanjë ka patur një valë të madhe ekzekutimesh, sulmesh me bomba e shpërthime “luftërash në rrugë” me armë.

Gjithçka lidhet me botën e nëndheshme, bandat, drogën, prostitucionin. Ajo që thonë ekspertët sipas artikullit të botuar nga The Sun Online, është se në vijën bregdetare të Spanjës kanë ardhur një sërë bandash të reja kriminale. Në artikull shkruhet se edhe shqiptarët kanë pjesën e tyre, posaçërisht shtetas që kanë shërbyer në ushtri.

“Ekspertët gjithashtu besojnë se bandat e reja nga 13 vende të ndryshme - duke përfshirë kartelet e drogës kolumbiane, ish-ushtarët nga Shqipëria dhe degët e mafies së frikësuar ruse - janë përgjegjës për shumicën e gjakderdhjes.”-shkruhet në artikullin e The Sun.

Më tutje artikulli i referohet sekretarit të Gardës në Malaga i cili shprehet se qyteti ka hyrë në një spitale dhune dhe numrat e bandave që operojnë janë shumëfishuar ndjeshëm.

“Ignacio Carrasco, sekretar i përgjithshëm për shoqatën e Gardës Civile në Malaga, tha: "Unë mendoj se jemi në një spirale të dhunës, e cila vetëm sa do të përkeqësohet. Bandat po përdorin bomba".

Shifrat e Ministrisë së Brendshme spanjolle tregojnë se në vitin 2016 kishte 440 grupe të regjistruara të krimit të organizuar në mbarë vendin - vitin e fundit për të cilin janë në dispozicion shifrat zyrtare.”-shkruhet në artikullin e The Sun Online.

Image
commentFirst article
Sot mund të lexoni Shfletoni kopertinat