Ish kryetarja e Kuvendit Jozefina Topalli ka sulmuar ashpër liderin e opozitës Lulzim Basha dhe kryeministrin e vendit, por në ndryshim nga ky i fundit, ish deputetja e PD-së nuk i përmend as emrin kryedemokratit Basha.
Përmes një shkrimi në rrjetin social, Topalli shkruan se nëse Rama do të mbahet mend nga të gjithë si personi përgjegjës që e mbushi me drogë Shqipërinë, “LB” (Lulzim Basha) do të kujtohet si njëra ndër arsyet se përse shqiptarët po braktisin vendin, pasi nuk gjejnë asnjë lloj shprese apo alternative tjetër nga ajo që ofron një kryeministër që ka 5 vite në pushtet.
“Nese Edi Rama do mbahet mend si Kryeministri qe mbushi vendin me droge, LB do mbahet mend si njeriu qe shiti opozitarizmin dhe detyroi 600 000 shqiptare qe te ikin,sepse nuk shohin alternative as shprese. Nuk shohin alternative se ata jane bashke. Dhe njelloj e quajne politiken jo mision sic duhet te jete, por loje shahu.”-shkruan Topalli.
Topalli sulmon dhe opozitën e bërë në tërësi duke thënë se edhe në pretendimet e saj për të mbrojtur qytetarët gjendet fare kollaj shenja e mashtrimit. Ish kryetarja e Kuvendit jep rastin e protestës së kuksianëve për taksën në Rrugën e Kombit, kauzë e cila sipas saj u braktis nga opozita, ashtu si edhe po ndodh me rastin e protestave në Tiranë, ku qindra qytetarët në zonën e Astirit do të mbeten pa shtëpi për shkak të nisjes së ndërtimit të Unazës së Madhe të kryeqytetit.
Por ndryshe nga herët e tjera, Topalli sulmon edhe ish kryeministrin Sali Berisha, i cili sipas saj duhet hedhur në kanal. Topalli nuk ja përmend emrin por dukshëm i referohet atij si njëri ndër “shahistët” e mëdhenj.
Për më tepër lexoni statusin e Topallit:
Qeveria aktuale ka shurlluar ndaj thirrjeve te FMN dhe Bankes Boterore per te bere kujdes me koncesionet, si nje rrisk i madh i destabilizimit te vendit.
Prej disa ditesh media te ndryshme kane leshuar alarmin per miliarda euro te tjera te parashikuara ne buxhetin e shtetit per Koncesionaret dhe oligarket e vendit.
Buxheti i dorezuat para disa javesh ne Kuvend ,ne fakt po e con vendin drejt destabilizimit financiar.
Nese ka nje arsye te madhe e te vetme per te cilen opozita duhet te jete ne Parlament eshte momenti ku diskutohet per leket e qytetareve, per rritjen e taksat e bizneseve, per rrogat e mesuesve, te infermiereve, te nepunesve; per pensionet e 600 mije shqiptareve, per shkollat e femijeve, per spitalet dhe shendetin e njerezve; per te mbrojtur vendin nga rreziku i destabilizimit financiar; per te shkuar ne arenen e debatit,per te cilet kane votuar shqiptaret, e per t’ i dal zot atyre; per te folur ne emer te tyre e vuajtjes se tyre, per te ngritur zerin per papunesine, per te bere beteje kundra rritjes se hendekut mes te varferise e oligarkeve.
Dhe pasdite pastaj per te shkuar gjithe Partia me i dal zot atyre,qe po i shkaterrojne shtepite pa i siguru nje çati per te jetuar.
Une nuk e di ca ben kjo,qe demek eshte opozite.. as nuk shkon ne parlament dhe as nuk djeg mandatet. Edhe bojkoton buxhetin por nuk bojkoton udhetimet jashte shteti me
“ kundershtaret”.
Thote se do mbroj qytetaret qe do i prishin shtepite, por ne fakt ata i ka lene ne balte njelloj si la ne balte kuksianet,qe u ngriten kunder takses se Rruges Kombit; Sa per adet i çon 2-3 deputete qe askush nuk i njeh dhe si Pilati lan duart.
Siç ka bere ne fakt perhere e per cdo gje .
Flet ne parim per oligarke , por nderkohe keta te fundit financojne arken e kunatit, sic tregon media.
Nuk shkon ne parlament dhe nuk çon kandidatura as per KQZ ( qe eshte votuar si formule me konsensus).
Thote se dua zgjedhje politike , por nderkohe nuk don te hyje as ne zgjedhjet lokale.
Flet per vjedhje te zgjedhjeve kur vete ishte ne qeveri me hajdutin dhe e votoi rezultatin e votimit me unanimitet( 7:0).
Thote se dua votim te ndershem , kur vete ka vrare voten brenda partise.
Ben sikut sulmon politikanet e majte, por pas deklarateve i con sms pergezimi.
Nese Edi Rama do mbahet mend si Kryeministri qe mbushi vendin me droge, LB do mbahet mend si njeriu qe shiti opozitarizmin dhe detyroi 600 000 shqiptare qe te ikin,sepse nuk shohin alternative as shprese.
Nuk shohin alternative se ata jane bashke. Dhe njelloj e quajne politiken jo mision sic duhet te jete, por loje shahu.
Vendin e kane marre peng 4 vete.
Keta 4 shahistet, qe nuk kane luajtur kurre shah, tani po luajne mbi dhimbjet e varren e nje populli.
Keta duhen hedhur ne kanal.
