Kompanitë ndërkombëtare e shohin Shqipërinë si një vend me ambicie të mëdha për shtimin e aeroporteve, si ai i Kukësit që do të inaugurohet vitin e ardhshëm, ka deklaruar sot Sonila Qato, gjatë një takimi me kompani ndërkombëtare.
Ministrja e Shtetit për Mbrojtjen e Sipërmarrjes, Sonila Qato ka marrë pjesë sot në prezantimin e kompanisë ndërkombëtare që mbulon elaborimin dhe implementimin e tendencave dhe praktikave më të mira në Sigurinë e Aviacionit dhe lëvizjen e lirë të pasagjerëve në aeroportin e Rinasit.
“Kompani të këtij rangu e shohin Shqipërinë si një vend që po zhvillohet gjithmonë e më shumë në fushën e aviacionit civil, me ambicie dhe projekte të mëdha për shtimin e më shumë aeroporteve, si ai i Kukësit që pritet të inaugurohet vitin e ardhshëm” u shpreh Qato. /ATSH
