Meta shpërndan 110 abetare, në 110-vjetorin e Kongresit të Manastirit

Shqipëria

Meta shpërndan 110 abetare, në 110-vjetorin e Kongresit të Manastirit

Më: 17 nëntor 2018 Në ora: 19:09
Presidenti Ilir Meta

Presidenti Ilir Meta ka vizituar qytetin e Manastirit, ku u prit nga ministri i Kulturës së Maqedonisë, Asaf Ademi si dhe nga dhjetëra shqiptarë nga Maqedonia.

“Me shumë emocion rikthehem në qytetin e mrekullueshëm të Manastirit, për të përkujtuar së bashku me vëllezërit shqiptarë në Maqedoni, 110-vjetorin e Kongresit të Manastirit, këtë ngjarje historike për kombin tonë, që i bashkoi të gjithë shqiptarët rreth Alfabetit të gjuhës shqipe duke i paraprirë shpalljes së Pavarësisë në 28 nëntor 1912 në Vlorë”, theksoi presidenti.

Presidenti Meta ka vizituar shtëpinë muze ku u mblodh Kongresi i Manastirit, dhe ka shpërndarë në mënyrë simbolike 110 abetare për fëmijët shqiptarë të Manastirit.

“I uroj mbarë kombit shqiptar gëzuar 110-vjetorin e Alfabetit të gjuhës shqipe. Me shumë emocion rikthehem në Manastir. Të bëjmë gjithçka që kjo ndërtesë historike për shqiptarët të pasqyrojë më së miri kontributin e patriotëve shqiptarë. Pa Kongresin e Manastirit do të kishte qenë e vështirë edhe shpallja e Pavarësise së Shqipërisë”, tha Meta.

Shqiptarët janë faktor progresist në shërbim të paqes, stabilitetit dhe integrimit të rajonit”, tha Meta. /atsh

commentFirst article
Sot mund të lexoni Shfletoni kopertinat